Plantun de Prouvènço

Pèr coumpara dos planto d'encò nostre

Lycium barbarum & Cyanus triumfettii

Arnavèu-blanc(-de-Barbarìo)

Lycium barbarum

Solanaceae

Autre noum : Bouissoun-blanc.

Nom en français : Lyciet commun.

Descripcioun :
L'óurigino éuroupenco d'aquest arnavèu-blanc èi discutido. Sèmblo pèr la maje part planta. Es un aubret que fai de flour vióuleto sus de ramo retoumbanto e espinouso. Lycium europaeum a de flour palinouso e d'espinasso alor que Lycium chinense fai de flour mai larjo e porto ges d'espino.

Usanço :
Emai li fueio e li fru sarien manjadis (F. Couplan, op.cit. p. ) cue, soun subretout li fru que soun utilisa en medecino tradiciounalo chinese emé lou noum de "goji". Soun proun anti-óussidant e manja pèr faire dura d'alòngui la vido (paradis terrestre di taouïste). Èi vertuous contre un fube de malautié : anti-cancerous, bon pèr lou cor, contro l'ipertesuro, l'iperglicemìo, lis artèri tapado...

Port : Aubret
Taio : 1 à 3 m
Fueio : alterno
Tipe bioulougico : Faneroufite
Cicle bioulougico : Planto renadivo

Gènre : Lycium
Famiho : Solanaceae

Ordre : Solanales

Coulour de la flour : Vióuleto
Petalo : 5
Ø (o loungour) flour : 1 cm
Flourido : Printèms - Estiéu

Sòu : Ca
Autour basso e auto : 0 à 600 m
Aparado : Noun
Abriéu à setèmbre

Liò : Sebisso - Bartas - Baragno
Estànci : Termoumediterran à Coulinen
Couroulougi : Óurigino Asìo-Èst
Ref. sc. : Lycium barbarum L., 1753

Centaurèio(-de-Triumfetti)

Cyanus triumfettii

Asteraceae Compositae

Noms en français : Centaurée de Trionfetti, Bleuet de Trionfetti.

Descripcioun :
La centaurèio-de-Triumfetti trachis en mountagno mejano dins d'ùnis endré. Fai partido dóu gènre Cyanus e pèr acò èi proche de Cyanus montanus e de Cyanus semidecurrens. Se n'en destrìo bonodi si bratèio à franjo pu longo (vèire li fotò à man drecho) à baso bruno e dóu bout mai clar. Apoundèn que li fueio basalo soun souvènt descoupado.

Usanço :
Couneissèn pas d'usanço particuliero pèr aquelo planto. Fau saupre que soun cousin, lou blavet di champ èi manjadis e a d'ùni prouprieta interessanto.

Port :
Taio : 10 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Cyanus
Famiho : Asteraceae
Famiho classico : Compositae
Tribu : Cardueae
Ordre : Asterales

Coulour de la flour : Vióuleto
Petalo : >6
Ø (o loungour) flour : 3 à 4 cm
Flourido : Printèms - Estiéu

Sòu : Ca Si
Autour basso e auto : 1200 à 2300 m
Aparado : Noun
Mai à juliet

Liò : Pelouso - Calanc - Bos clar - Pinedo
Estànci : Mountagnard à Subaupen
Couroulougi : Éurasiatico
Ref. sc. : Cyanus triumfettii (All.) Dostál ex Á.Löve & D.Löve, 1961 (= Centaurea triumfettii All. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Lycium barbarum & Cyanus triumfettii

ges

Coumpara Arnavèu-blanc(-de-Barbarìo) emé uno autro planto

Coumpara Centaurèio(-de-Triumfetti) emé uno autro planto